Испанийн бэлэн хувцасны сүлжээ Desigual дэлгүүр белгийн Намюр хотод салбараа нээж шинэ оноор хаалгаа дэлгэжээ. Тэгэхдээ компани  өнгөрсөн баасан гарагийн өглөө дэлгүүр нээхэд зөвхөн дотуур хувцастайгаа ирсэн эхний 100 худалдан авагчийг бүрэн хувцалана гэж зар тараасан нь белгичүүдийг шөнөжин дугаарлаж, өглөө нь нүцгэлэн дэлгүүрт ороход хүргэсэн байна.
Хүмүүс шөнөжин дэлгүүрийн гадаа урт дараалал үүсгэн зогссон бол энэ 400 орчим хүн өглөө нь дэлгүүрт дайран орж яаран нүцгэлцгээжээ.

Дэлгүүрийнхэн эхний 100 хүнд дугаар тарааж, бэлгэнд нь цүнх өгөөд дуртай хувцасаа сонгож авах эрх олгосон байна.

Орон нутгийн хэвлэлд бичсэнээр бол баасан гарагийн өглөөгүүр салхитай, бороотой байсан ч дараалал дахь хүмүүс нэмэгдсээр байсан гэнэ.
Эхний 100-д багтаж чадаагүй худалдан авагчид хэдийгээр бэлгийн цүнх, үнэгүй хувцас аваагүй ч бас хүссэн бараагаа хямдруулан авах эрхээр шагнуулжээ.