Интернетийн сайтуудад бичсэнээр бол 23 настай Галия Борисенко өнгөрсөн оны долдугаар сард сураггүй алга болоод саяхан олдсон ч төдөлгүй амиа хорлосон юм байна. 

Бүсгүй долдугаар сарын 18-нд эмнэлэг оръё хэмээн ажлаасаа чөлөө аваад гарсан ч эмнэлэгт очоогүй юм байна. Хавар нь нөхөрт гарч алга болох үедээ гурван сартай жирэмсэн байсан бүсгүй тэр өдөр гэртээ ч эргэж ирсэнгүй.

Нөхөр, төрөл төрөгсөд нь тэр дор нь цагдаад мэдэгдэж эрэн сурвалчилж, нутгийн бараг бүх шон дээр гэрэл зурагтай мэдээлэл, зарлал наажээ.

Харин энэ оны нэгдүгээр сарын 1-ний өдөр Галия олджээ. Тэр хагас жилийн турш янз бүрийн нууц байр, доод хонгилд хоригдон үл мэдэгдэх кавказ төрхтэй хүмүүсийн гар дамжин боол мэт явжээ. Түүнийг зодож, биеэс биед дамжуулан хар тамхи татуулж байсан гэнэ. 

Хамгийн сүүлд Астарханийн Большие Исада гэдэг захын орчим 50 орчим насны нэгэн дагестан хүний мэдэлд байхдаа азаар зугтааж амжсан байна. Нэгдүгээр сарын 1-нд ирмэгцээ л “ёстой аймшигтай газар байлаа” гээд шууд эмнэлэгт очсон ч харамсалтай нь бүсгүй нэгдүгээр сарын 5-ны өдөр таван давхрын цонхоор  үсэрч амиа хорлосон байна.