Вьетнамын Батлан хамгаалах яам Оросоос Т-90 танк худалдан авч магадгүй байгаа тухай мэдээллийн агентлагууд мэдээлж байна. Одоогоор Вьетнамын зэвсэглэлд Зөвлөлтөд үйлдвэрлэгдсэн Т-72, Т-55 танкууд байдаг.
Вьетнамчууд оросуудтай хамт­ран Т-72 танкийг орчин үеийн байлдааны шаардлагад тохируулан шинэчлэн өөрчлөхтэй зэрэгцэн Т-90 танкийг цөөнгүй тоогоор худалдан авах сонирхолтой байгаа ажээ.  Вьетнамын цэргийнхэн Энэтхэгт лицензээр үйлдвэрлэж байгаа Т-90 танкийг хээрийн сургуулийн үеэр үзэж танилцаад бүх шаардлагад нь тохирч байна гэж үзсэн байна.Т-90 танк нь 1980-аад оны сүүл, 90-ээд оны эхээр бүтээгдсэн, 2001-2010 онд дэлхийд хамгийн олноор зарагдсан танкаар тодорч байсан юм.