Маргааш эхлэх өвлийн олимпын хот Сочид хүрэлцэн ирсэн барууны сэтгүүлчид зочид буудал, амьдрах нөхцлийнхөө талаар жаахан сэтгэл дундуур байгаагаа  бичиж зурагтай нь нийтэлж эхэлсэн байна. Тэдний бичиж байгаагаар бол олимпын хотод 9 буудал байгаагийн зургаа нь л одоо хүмүүсээ хүлээн авахад бэлэн болсон бусдын нь барилгын ажил ид явж байгаа гэнэ.


 Тэнд нь барилгачид, золбин нохой, муур  хөлхөлдөж байгаа юм байх.
“Бидэнд өгсөн өрөөний нэг нь энэ” гэж CNN-ийн сурвалжлагч  Гарри Рикки  твиттертээ бичжээ.

“The Guardian”-ий сурвалжлагч Шон Уокер “Надад өрөө өгсөн. Гэхдээ халаалт, интернет байхгүй. Цахилгаан шат өдөр дунд эвдрээд түүнээс хойш шатаар л өгсч уруудаж явна. Манай давхрын аюулын үед гарах хаалгыг битүүлчихсэн юм билээ” гэж мушийн ярьж байна.

CTV-ийн продюссер Розе Хваны буудалд ус байхгүй гэнэ. BBC-ийн Кевин Бишоп шалан дээр л унтах бололтой гэнэ. Гэхдээ Путины хөрөг бол байжээ.
              
Tribune reporter твиттертээ бүр сонин зүйл бичжээ. “Буудалд минь ус байдаггүй. Буудлын зочин хүлээн авагчид хэлсэн чинь ийм зэвтэй ус авчирч өглөө” гээд зургийг нь тавьжээ.




Сочид бас оросуудын цоо шинэ шинэ санаа, бүтээлүүд байгааг сэтгүүлчид овчин олж харан зургийг нь нийтэлжээ. Энд таглаа, суудлыг  нь буруу харуулсан суултуур, "ажиглагч"-тай 00 бас байгаа гэнэ. Хосоороо ороод хууч хөөрч байгаад бие засах өрөө ч бас бий.