“Инчеон-2014” Азийн зуны 17 дугаар наадамд оролцох Монголын багийн туг өргөх ёслол өчигдөр Азийн наадмын тамирчдын тосгонд боллоо.

Ёслолын арга хэмжээнд Монголын баг тамирчдын төлөөлөл ч оролцжээ. Азийн наадмын тамирчдын тосгоны дарга Элиза Ли Монголын багийг албан ёсоор хүлээн авч байгаа гэдгээ батламжилж үг хэлж, дурсгалын зүйл гардуулав. Тамирчдын тосгон нь Инчеон хотын Гувол-дун хэсэгт байрлаж байгаа юм.

Тус тосгонд 13000-15000 хүнийг хүлээн авах боломжтой. Монголоос энэ удаагийн наадамд спортын 23 төрлөөр өрсөлдөнө. Тамирчин, дасгалжуулагч, шүүгч, албаныхан нийлээд 300 гаруй хүний бүрэлдэхүүнтэй баг оролцох юм.