АНУ, Өмнөд Солонгосын тусгай албаны цэргүүд тагнуулын мэдээлэл цуглуулах зорилгоор Хойд Солонгосын нутаг дэвсгэр дээр шүхрээр бууж нэвтэрсэн гэнэ. АНУ-ын тусгай хүчний командлагч, бригадын генерал Нейл Толлейгийн мэдэгдсэнээр хоёр улс Хойд Солонгосын газар дор ухаж буй нууц хонгилын тухай мэдээлэл олж авахаар ийнхүү тусгайгийнхнаа илгээсэн аж. Пеньян зэвсэггүй бүсийн орчимд хамгийн багадаа дөрвөн хонгил ухаж байгаа гэсэн мэдээлэл бий. Гэхдээ тэд яг хэдэн хонгил, ямар зорилгоор ухаж байгааг одоо хүртэл АНУ олж мэдэж чадахгүй байгаа юм. Учир нь, тэдгээр хонгил АНУ-ын хиймэл дагуулд харагдахгүй нууцлагдмал байдалд байгаа гэнэ.