АНУ-ын Коларадо болон  Нью-Мехико мужид их хэмжээний газар нутаг хамарсан түймэр дэгдлээ. Түймрийг унтраахаар зуу зуун гал сөнөөгчид оролцож ажиллаж байгаа ч  Коларадод гэхэд 43000 акр газар шатаж, нэг эмэгтэй нас баржээ. Мөн 118 барилга байшин шатсан байна. Ерөнхийлөгч Барак Обама Коларадо руу шаардлагатай бүх техник  тоног төхөөрөмж, аврах баг илгээж байгаа тухай Ассошиэтэд пресс агентлаг мэдээллээ. Гамшгийн бүсэд 600 гал сөнөөгч ажиллаж байгаа ч 200 хүн нэмэх шаардлагатай байгаагийн дээр ус цацах онгоц чухал хэрэгцээтэй байгаа аж. Одоогоор 13 онгоц түймэр унтраахад оролцож байгаа юм.