Вьетнамын ард түмэн жилийн турш тамхиа нууж татах хэрэгтэй болох нь. Тус улсын Засгийн газраас дараа жилийн тавдугаар сар хүртэл тамхины талаар сурталчилгаа явуулахыг хуулиар хатуу хориглолоо. Ихэнх оронд 18 нас хүрээгүй хүүхдэд тамхи зарахгүй гэсэн заалт тамхины эсрэг хуульд нь байдаг бол тус улсад ч энэ заалт хэрэгжихээр болжээ. Энэ нь тэдний тамхины хэрэглээг багасгах анхны оролдлого биш. Анх 2010 онд сургууль, цэцэрлэгийн газар болон метроны буудал орчимд тамхи татахыг хориглоод зогсохгүй Зүүн Азийн Хяналтын газраас хуулий сахиагүй бол насанд хүрсэн нэг хүн тутамд 50 ам.доллараар торгож байсан хэдий ч хараахан амжилт олоогүй юм. Тус байгууллагын захирал шинэ хуульд ихээхэн найдаж байгаагаа олон нийтэд мэдээлсэн байна. Ийнхүү Вьетнам тамхины эсрэг хуулийг баталсан томоохон орнууд болох АНУ, Франц, Канад зэрэг улсын дараа ороод байгаа юм. Вьетнамд 15.3 сая тамхичин байгаагаас жил бүр 40.000 хүн тамхинаас үүдэлтэй зүрх судас болон уушигны өвчнөөс болж амиа алдаж байна.
