Рио-де-Жанейрод болох зуны олимпын сэргээшийн шинжилгээний төв худал дүн гаргасны улмаас лабораторыг нь түр хугацаагаар хаалаа гэж “Рейтер” агентлаг мэдээллээ.

Рио-де-Жанейрогийн сэргээшийн эсрэг лабораторын үйл ажиллагааг хамгийн багадаа зургаан сараар зогсоолоо гэж Дэлхийн сэргээшийн эсрэг агентлаг /WADA/  өнгөрсөн баасан гарагт мэдээлсэн байна. Энэ хоригийг зургадугаар сарын 22-ны өдрөөс хүчин төгөлдөр мөрдөж эхэлсэн гэжээ. Хэрвээ үүнийг хүлээн зөвшөөрөхгүй байгаа бол 21 хоногийн дотор Спортын арбитрын шүүхэд гомдол гаргах эрхтэй юм байна.

Хэвлэлүүдийн мэдээлж байгаагаар цус, шээсний шинжилгээний дээжийг 2014 онд Бразильд болсон хөлбөмбөгийн дэлхийн аварга шалгаруулах тэмцээний адилаар шиг Бразилаас Швейцари дахь лабораторт илгээж шинжлэх юм байна.
Зуны олимпын тоглолт наймдугаар сарын 5-наас 21-нд Рио-де-Жанейро хотноо болно.