Хятадын их гүрний дарга Ху Жин Тао өнгөрсөн баасан гаригт Хонконгод хүрэлцэн ирлээ. Тэрбээр гурван өдрийн айлчлал хийж байгаа ч гол зорилго нь Хонконг  Их Британийн дарангуйллаас гарсны 15 жилийн ойн ёслолын ажиллагааны нээлтэнд оролцох явдал юм. Их Британийн дарлалд 156 жилийн турш байсан Хонконг 1997 оны долдугаар сарын 1-нд албан ёсоор Хятад улсын бүрэн дэмжлэгтэйгээр хараат бус болсноо зарласан юм. Үүнээс хойш Хонконг өөрийн Үндсэн хуулийнхаа дагуу шилжүүлгээс хойшхи 50 жилийн хугацаанд буюу доод тал нь 2047 он хүртэл Хятадаас хараат байдалтай байх ёстой гэсэн дүрмээр “Нэг улс-Хоёр систем” бодлогыг мөрдөх болсон билээ. Өөрөөр хэлбэл Хятадын Засгийн газар нь Хонконгийн аюулгүй байдал, гадаад бодлогыг хариуцаж, нөгөө талаас хуулийн систем, цагдаагийн алба, мөнгөн тэмдэгт, гаалийн болон цагаачлалыг бодлого зэрэг томоохон шийдвэр шаардсан үйл ажиллагаанд Хятад өөрийн төлөөлөгчөө оролцуулснаар энэ үйл ажиллагаа зохицуулагддаг. Хонконгийн зүгээс санаа зовинож буй нэг асуудал цаг агаарын таагүй байдал юм. Ойрын хэдэн өдөр Өмнөд Хятадын тэнгист хүчтэй шуурга болох төлөвтэй байгааг цаг уурчид урьдчилан сануулсан ч Ху Жин Тао энэ өдрийн үйл ажиллагаанд өөрийн биеэр оролцож буй юм.