Вашингтон хотод болсон хүчтэй шуурганы улмаас гурван сая хүн цахилгаангүй болоод байна. АНУ-ын баруун хэсгийн хотуудаас хүчтэй чиглэн ирсэн салхины чиглэл Вашингтон хотод цагт 130 километр хүрсэн нь оршин суугчдын санааг ихэд зовоож буй талаар CNN агентлаг мэдээлэв. Дэлхий даяар салхи шуургыг аюул нь бага байгаасай хэмээн эмэгтэй хүний нэрээр нэрлэдэг бөгөөд Вашингтон хотыг цахилгаангүй болгосон энэхүү хар салхийг “Деречо” хэмээн нэрлэсэн байна. Одоогоор 12 хүн хүчтэй салхины улмаас амиа алдсан талаар албаныхан мэдээлж байна. Хотын гудамжнаас бүхэлдээ хугарсан мод, бут, цахилгааны тасарсан утас зэргээр дүүрээд байгаа дүр зургийг харж болно. Түүнчлэн, хурдан галт тэрэгний хуваарь цуцлагдсан хэдий ч хотын Нийтийн тээврийн газраас лхагва гариг гэхэд бүх гэмтлийг засан хэвийн үйл ажиллагаатай болгохоор хичээж байгаа талаараа мэдэгдсэн юм.