АНУ-ын “Lamb of God” метал рок хамтлагийн дуучин Ренди Блайт өнгөрсөн баасан гаригт Польшийн нийслэл Праг хотын онгоцны буудал дээр явж байх үедээ баривчлагдан саатуулагдсан байна. Дэлхий даяараа рок хөгжим, тэр дундаа хүнд метал хөгжмийг таалан сонсох болсон энэ үед тус хамтлагийн шүтэн бишрэгчид нэмэгдэж буй. Гэвч тэдний хоёр жилийн өмнө Чех улсад хийсэн аялан тоглолтын үеэр тоглолтыг үзэж байсан 19 настай хүү нас барсан хэрэг гарсан юм. Үүнээс хойш энэ хэрэг хуулийн шатанд шилжиж, хэрэг сунжирсаар хамгийн сүүлд жилийн өмнө Блайт батлан даалтанд гарсан. Гэсэн хэдий ч сэжигтэнг хүүг түлхсэн гэсэн гэрч гэнэт гарч ирэн асуудал үүсгэснээр дахин баривчлагдсан аж. Дашрамд сонирхуулахад, “Lamb of God” хамтлаг нь анх 1990 онд гурван хүний бүрэлдэхүүнтэй байгуулагдаж, түүнээс хойш 2007 онд “Sacrament” буюу “Тангараг” цомгоороо Грэммигийн шагнал хүртэж байсан юм.