Монголын Орхон гол дээр усан байгуулах, Шүрэнгийн УЦС барих Техник эдийн засгийн үндэслэл болон байгаль орчинд нөлөөлөх нөлөөллийн үнэлгээний тендерийг зарласан гэж Олон улсын байгаль хамгаалах “Хил хязгааргүй ус” нийгэмлэгийн идэвхтнүүд ташаа мэдээлэл тараалаа гэж Дэлхийн банк мэдэгдлээ хэмээн baikal.mk.ru сайтад бичжээ.

Байгаль хамгаалах дээрх байгууллагын оросын талын зохицуулагч Александр Колотов болон нийгэмлэгээс хүргүүлсэн захидлын хариуд Дэлхийн банк тендер зарлаагүй, зөвхөн тендерт оролцохыг хүсэгчдэд боломж олгох үүднээс зар тараасан юм гэсэн хариу ирүүлсэн гэсэн байна.

Дэлхийн банкнаас “Хил хязгааргүй ус” нийгэмлэгт ирүүлсэн захидалд “Бид орон нутгийн ард иргэдийн саналыг авч, энэ чухал асуудалд аль болох тусгахыг хичээнэ. Саяхан бид оросын засгийн газраас ийм санал асуулга явуулах зөвшөөрөл авсан, одоо  бэлтгэлийг нь хангаж байна. Үүн дотор энэ төслийн тухай товч танилцуулга зэрэг гарын авлага материалыг орос хэл дээр орчуулан бэлтгэж байна” гэжээ.

“МК Байкал”-ын мэдээлснээр ОХУ-ын Байгалийн нөөц, экологийн сайд Сергей Донской бас Сэлэнгэ мөрөн дээр Шүрэнгийн УЦС барих, Орхон гол дээр усан байгуулах Техник эдийн засгийн үндэслэл, байгаль орчинд нөлөөлөх нөлөөллийн үнэлгээний тендерийг зарлахдаа энэ төслийн талаар нутгийн иргэдийн саналыг авсны дараа зарлана гэсэн тохиролцоогоо зөрчлөө хэмээн Дэлхийн банкийг буруутган захидал бичиж энэ бүхнээ тодруулахыг хүссэн юм.