2016 оны төгсгөлөөр Манжуурт Хятад, Орос, Монгол улсын багачуудын цасны хөлбөмбөгийн тэмцээн боллоо. Гурван улсын зургаан багийн зуу орчим өсвөрийн тамирчид тэмцээнд оролцсон эл тэмцээн хэдий хүйтэн ч гэсэн халуун дулаан уур амьсгалтай болж өндөрллөө.

Оросоос Чита, Улаан чулуу баг, Монголоос Дорнод аймгийн баг, Хятадаас Хайлаар, Манжуурын болоод Хайлаар шинэ барга зүүн хошууны багууд өрсөлдөв.

Шувтаргын тоглолтод ОХУ-ын Улаан чулуу баг Хятадын Хайлаарын багийг 2:1 харьцаагаар буулган авч аварга боллоо. 11-12 насны тамирчид өрсөлдсөн уг тэмцээн нь хүүхдүүдэд цасны хөлбөмбөг спортын сайхныг мэдрүүлээд зогсохгүй гурван орны хүүхдүүдийн найрамдалт харилцааг бэхжүүлэхэд оршсон юм.  
Энэхүү тэмцээнийг ӨМӨЗО-ны биеийн тамир спортын газрын хүүхэд багачуудын хэлтсээс санаачлан зохион байгуулж, Манжуур хотын биеийн тамир, соёл, спортын товчоо хамтран оролцсон билээ.