Монголын хөрөнгө оруулагч, “Монголын алт корпораци” хойд хөршийн Буриадын нутаг дахь Байгаль далайн эрэг дээр зургаан тэрбум рублиэр амралт, аялал жуулчлалын комплекс байгуулахаар ОХУ-ын Буриад улсын тэргүүний үүрэг гүйцэтгэгч Алексей Цыденовт хандсан байна. “Монголын алт корпорацийн” гүйцэтгэх захирал Энхмандахын Балдан Турка тосгонд, эдийн засгийн онцгой бүсэд  барих аялал жуулчлалын комплекст оруулах хөрөнгийн талаар хэлэлцээрт Буриадын ерөнхийлөгчи йн үүрэг гүйцэтгэгчтэй гарын үсэг зуржээ.
“Өнөөдөр бид ийн гарын үсэг зурснаар Байгаль нуурын эдийн засгийн онцгой бүсэд Монголчууд хөрөнгө оруулах талаар том алхам боллоо. Манай компани энэ хэлэлцээрийг бодит зүйл болгохын тулд та бүхэнтэй нягт хамтран ажиллах болно гэж Балдан хэлжээ хэмээн оросын  ircity.ru хэвлэл мэдээллээ.