Энэ даваа гарагт ОХУ-ын Невьянсын районы оршин суугчид мөөг түүж яваад ойгоос тус бүр нь 50 литрийн багтаамжтай дөрвөн хуванцар сав олжээ. Хэн нэгэн нь эдгээрийг өндрөөс хаяж нууж далдлаагүй орхисон бололтой. Гэтэл эдгээр саванд үр хөндөх үеэр гарсан ураг байсныг илрүүлж зохих байгууллагуудад мэдэгдсэн байна. Дотоод хэргийн ажилтнууд, мөрдөн байцаагч, шинжээчид газар дээр нь очиж үзэхэд тэнд нийтдээ 248 ураг байсан нь илэрчээ. Хамгийн гол нь тэнд эхчүүдийн хэвтэж байсан эмнэлгийн тасгийн дугаар, овог нэр нь байсан гэж Свердловск мужийн ДХГ-ын хэвлэлийн алба мэдэгдсэн байна. Хэн энэ бүхнийг ингэж хаясныг одоо эрэн сурвалжилж байна. Эхний таамгаар эмнэлгийнхэн эдгээрийн өөр нэгэн эмнэлэгт хүргэх гэж байсан ч цаад тал нь авахаас татгалзсан учраас ийм бүдүүлэг байдлаар хаясан байх гэж байна. Юун түрүү ураг тус бүрийн насыг эмнэлгийн нарийн мэргэжилтнүүд тогтоогоод ингэж хээр хаясан тухайд нь эрүүгийн хэрэг үүсгэсэн байна.
