Япон улсын нийслэл Токио хотноо зохион байгуулагдах зуны олимпын XXXIII наадам хоногоо тоолж буй энэ өдрүүдэд "Токио2020" олимпын зохион байгуулах хороо албан ёсны бэлгэ тэмдгээ зарлалаа.

Бэлгэ тэмдгийг сонгохдоо Японы 16,000 бага сургуулийн 200,000 гаруй ангийн хүүхдүүдээс санал авсан бөгөөд уран бүтээлч Рю Танигучигийн бүтээл 109,041 санал цуглуулснаар албан ёсны бэлгэ тэмдгээр сонгогдсон байна.  Одоогоор "маскотод" нэр өгөөгүй байгаа бөгөөд албан ёсоор 7-р сард танилцуулахаар болжээ. Нээлттэй явуулсан уралдаанд нийт 2,042 уран бүтээл ирсэн байна.