Дэлхийн хэмжээнд айдас төрүүлээд байгаа сэдэв бол “Сири улс цөмийн зэвсэг хэрэглэх үү” гэдэг. НҮБ-ын Ерөн­хий нарийн бичгийн дар­га Бан Ги Мүн өнгөрсөн баа­сан гаригт болсон хурлын үеэр үүнд маш их санаа зовиниж буй­гаа мэдэгдэв.
Үүнтэй зэрэг­цэн нэгэн аюултай мэдээ тар­хаад буй нь Израйль улс цөмийн зэвсгээр бүрэн хан­гагд­сан цэргийн баазтай бо­лоод байгаа тухай мэдээ юм. Хэдийгээр энэ талаар ал­бан ёсоор мэдэгдээгүй ч Израй­лийн цэргийн хүчнийхэн ирэх арав­дугаар сард дэлхийг дон­сол­госон томоохон үйл яв­далд хэрэглэх химийн зэвс­гийн бэлэн байдлыг хан­гахаар шаргуу бэлтгэж эхэл­сэн мэдээ шуугиан та­риад байна. Израйлийн ир­гэдийн дунд хорт утаанаас хам­гаалах багийн эрэлт 66 ху­виар нэмэгдэж, өдөрт ойролцоогоор 3700 ширхэг зарагдах болжээ.

Энэ талаар тус улсын Гадаад хэргийн сайд Авигдор Лиебермэн “Манай улсад ухрах шалтгаан байхгүй. Хэрвээ зайлшгүй тохиолдол гарвал  хариу цохилт өгөхөд бэлэн. Гэхдээ өөрсдийнхөө иргэдийг золиослохгүй. Би­дэнд айх зүйл алга. Учир нь хангалттай зэвсэг армийн хя­налтад байгаа” хэмээн мэдэгд­сэн нь олон хүнийг алмайруулаад байгаа нь нууц биш. Хамгийн сүүлд Ерөнхийлөгч Башар Асадад гадаадаас маш их дарамт, шахалт ирсээр байгаа тухай “BBC” агентлаг мэдээлж байсны дагуу эрхэм Ерөнхийлөгч өө­рийн­хөө нөөц бололцоог ашиг­лан эцсийн арга хэмжээг ава­хаар зэхэж байгаа болол­той.

Үүний эсрэг олон улсын байгууллагууд эсрэг байр суурьтай  байгаагийн нэг нь Европын Холбоо. Энэ дагуу тэд Сирийн эсрэг багц хориг тавилаа. Ерөнхий агуулга нь өнгөрсөн баасан гарагаас эхлэн Европын гишүүн орнуудаас Сири лүү нислэг хийдэг бүх нисэх болон усан онгоцонд шалгалт хийж, Сирийн зарим эрх баригчийг гишүүн орнуудын нутаг дэвсгэрт нэвтрэхийг хоригложээ. Эл жагсаалтад одоогийн байдлаар 129 өндөр албан тушаалтны нэр багтаад буй гэнэ. Эндээс дээрх хоёр улсын аль нь эхэлж дайн эхлүүлэх бол гэсэн асуулт урган гараад байна. Хэрвээ Сири улс эхлүүлбэл, угийн дайны байдалтай байгаа энэ улс их хэмжээний хор хохирол амсана. Хамгийн гол нь иргэдийн сэтгэл санааны байдалд ихээхэн нөлөөлнө. Эсрэгээрээ, Израйль улс түрүүлж хөдөлбөл, зэр зэвгийн хувьд хүчин мөхөсдөх магадлалтай хэмээн “The Fox News” мэдээллийн агентлаг мэдээлэв.