Дэлхий дээр гэмт хэргийн тоогоор толгой цохьдог таван улсыг АНУ-ын гэмт хэргээс сэргийлэх зорилготой “TheCrims.com” цахим хуудаст энэ сарын эхээр жагсаасныг хүргэж байна. Улс төр, нийгэм судлаачдын үзэж буйгаар гэмт хэргийн шалтгааныг улс орны буруу бодлого, баян хоосны ялгаа, хувь хүний ухамсрын байдлаас хамгийн их шалтгаалж байна.

1. Сомали
Дэлхийн дээрх хамгийн аюул­тай да­лайн дээ­рэмч­­­дийн бү­­лэг­лэл энэ ул­сад байдаг. Со­ма­ли арлын хойд хэсгээр орших  өөрс­дийгөө “Со­малигийн Нэгд­сэн Бү­лэг­лэл” хэ­мээн нэ­рийд­сэн энэ бүлэг­лэл ямар ч шалтгаангүйгээр тааралдсан хүмүүсийг устгадаг. Тэдний үйл ажиллагааг зогсоох нь тус улсын цагдаагийн хүчний үндсэн зорилго байдаг. 2010 оны хагаст л гэхэд олон улсын байгууллагын хүмүүнлэгийн үйлсийн 20 ажилтан амиа алдаж, 30 хүн олзлогдсоны, тэдний 17 нь их хэмжээний мөнгөн хөрөнгийн барьцаа төлж суллагдсан удаатай.


2. Орос
ОХУ-д сүүлийн таван жилд өсвөр настнуудын хар тамхины хэрэглээ улам ихсэх аюул нүүрлээд буй. Хамгийн аймшигтай нь, 18 минут тутамд нэг хүн нас бардаг, өдөрт дунджаар 84 гэмт хэрэг гардаг гэсэн тоо байна. Жуулчид эд зүйлээ алдах нь ердийн үзэгдэл болоод байгаа энэ улсад маш сонор сэрэмжтэй явах нь чухал.


3. Колумби
Колумби бол хууль үйлчилдэггүй улсын нэг төдийгүй, хүн хулгайлах гэмт хэргээрээ Бразилийн өмнө ордог. Хамгийн сүүлийн тоо баримтаар он гарснаас хойш 193 хүүхэд ор сураггүй алга болжээ. Колумбын зүүн өмнөд хэсэг нь хамгийн аялахад тохиромжтой бүс. Гэсэн ч хар там­хины наймаа ил явагддагийн улмаас жуулчид аюулд өртөх магадлал их байна.



4. Бразил
Тэ хэрвээ Бразиль руу аялахаар төлөвлөсөн бол хулгайчдын хараанд алхам тутамдаа өртөнө. Гудамжны хулгай, дээрмийн хэргээрээ дэлхийд толгой цохьдог энэ улс сүүлийн жилүүдэд хүүхэд хулгайлах гэмт хэргээрээ анхаарлын төвд ороод буй гэх зэрэг аялахгүй байх шалтгаан энэ улсад олон бий.


5.Өмнөд Африк
Африк тивд орших улсуудаас гэмт хэргийн тоогоор тэргүүлдэг  нь Өмнөд Африк. Хүн амын 63 хувийг эмэгтэйчүүд эзэлдэг нь хүчингийн хэрэг их гарах хамгийн том шалтгаан гэж албаны хүмүүс тайлбарладаг. Түүнчлэн хулгай, дээрмийн хэрэг өдөрт мянга мянгаараа гардаг нь боловсролын түвшин доогуур, орон сууцны үнэ хэт өндөр, мөн орон гэргүй хүмүүсийн тоо их байдагтай холбоотой аж. Хэдийгээр аялах газар олонтой, онгон зэлүүд нутаг ихтэй ч зайлшгүй очих шаардлагатай бол бие хамгаалагч хөлслөх хэрэгтэй гэнэ.