“Арабын хувьсгал” нэртэй давалгаанд өртөн иргэний дайн дэгдээд байгаа Сири улсын эдийн засгийн нийслэл гэгддэг Алеппо хотыг тойрсон тулаан ширүүссээр байна.

Албан ёсны эрх баригчид хотыг гартаа аваад байгаа босогчдын эсрэг танк, нисдэг тэрэг, дайрагч онцгоц ашиглаж байгаагаас болоод 2,5 сая хүнтэй энэ хотоос сүүлийн хэдэн өдрийн дотор 200 мянга гаруй иргэд дүрвэжээ.

Эдийн засгийн чухал ач холбогдолтой болохоор энэ хотыг тойрсон маш ширүүн тулаан явагдаж байгаа тухай мэдээллийн агентлагууд түгшүүртэй мэдээ явуулсаар байна.

Шинжээчдийн дүгнэж байгаагаар бол Алеппо хотыг Башар Асад өөрийн болгож чадвал босогчид дотоодын зүгээс дэмжлэггүй болж ялагдах нь цаг хугацааны асуудал болох юм байна.