ОХУ-ын Ерөнхий сайд Дмитрий Медведев Британийн “The Times” сонинд ярилцлага өгөх үеэрээ “Би өөрийгөө улс төрөөс гарах болсон гэж бодохгүй байна. Хэрэв манай ард түмэн хүсч байвал би Ерөнхийлөгчийн сонгуульд дахиад өрсөлдөнө” гэж хэлсэнийг тус сонин даваа гарагийн дугаартаа нийтэлсэн байна. Тэрээр “Хэрэв ард түмэн үүнээс залхаад,  надад “Goodbye” гэж хэлбэл би зүгээр л яваад дурсамжаа бичээд суух болно. Гэхдээ би миний санал болгосон улс төрийн ямар ч хүчин намайг улс төрийн идэвхтэй амьдралаас явна уу гэж хэлэхгүй гэдэгт итгэлтэй байна. Ийм л болохоор би өөрийгөө хэзээ ч чамлахгүй. Би улстөрд зүтгээд маш их ажиллаж байна, цаашид ч ийм байх болно” гэжээ.