Сэлэнгэ аймгийн Сүхбаатар хотноо Монгол Улсын аваргуудаа тодруулсан Монголын жүдо бөхийн холбооны удирдах зөвлөлийн хурал өнгөрөгч амралтын өдөр болжээ. Энэ хурлаар Монголын жүдо бөхийн холбооны тэргүүн дэд ерөнхийлөгчөөр Монгол Улсын Ерөнхийлөгчийн Тамгын газрын дарга Зандаахүүгийн Энхболдыг томилжээ. 

Энэхүү албыг түүнээс өмнө "Макс" группын ерөнхийлөгч Дагвадоржийн Ганбаатар, Ховд аймгийн хөгжлийн төлөө сангийн тэргүүн Ширнэнбандийн Адьшаа, Монгол Улсын Ерөнхий Прокурор асан Д.Дорлигжав нар ажиллаж байв.

Тэргүүн дэд ерөнхийлөгчөөр сонгогдсон З.Энхболд нь "Токио-2020" олимпын наадамд Монголын жүдо бөхийн шигшээ багаа ахалж оролцох юм байна. Тэрээр өнгөрсөн онд манай эх оронд зохион байгуулагдсан Зүүн Азийн аварга шалгаруулах тэмцээнийг зохион байгуулагдахад ЗБХ-ны даргаар амжиллаж байсан юм.