Монголын Хөлбөмбөгийн Холбооны хамгийн өндөр чансаатай тэмцээнүүдийн нэгт зүй ёсоор тооцогддог “Мазала” нэгдүгээр лигийн нээлтийн тойрог ням гарагаас мягмар гарагийн хооронд амжилттай явагдаж өнгөрлөө.

04-р сарын 28-нд эхэлсэн “Мазала” нэгдүгээр лиг “Ховд”, “Улаанбаатарын Мазаалайнууд”, “Соёмбын барсууд”, “Хан-Уул”, “Сумида”, “Төв Буганууд”, “Ховд Вестерн”, “Жипро”, “ДМЮ”, “Хүрээ хөвгүүд” гэсэн 10 багийн дунд 10-р сарын 06-ныг хүртэл үргэлжлэн явагдана. “Мазала” нэгдүгээр лигийн эхний тойргийн таван тоглолтоос Хан-Уул 2:2 Сумида, Мазаалайнууд 3:3 Соёмбын Барсууд, Төв Буганууд 1:1 Ховд Вестерн, Жипро 2:2 ДМЮ гэсэн дөрвөн тоглолт гоолтой тэнцээгээр өндөрлөж, тун өрсөлдөөнтэй өрнөх шинэ улирлын өнгийг тодорхойллоо.

Нэгдүгээр тойрогт “Ховд” баг “Хүрээ Хөвгүүд”-ийг 0:3-аар хожиж ганцаар гурван оноотой хүснэгтийг тэргүүлж эхлэв. Зөвхөн хоёр баг ирэх жил “Мазала” үндэсний дээд лигт дэвших эрх авч, хоёр баг дараа улиралд МХБХ-ны хоёрдугаар лиг рүү чансаа буурах тул энэ лигийн тоглолт бүр өрсөлдөөнтэй болох нь гарцаагүй.

Энэ сонирхолтой лигийн тоглолт бүрийг та бүхэн mycujoo.tv-ээр шууд хүлээн авч үзэхийн зэрэгцээ МХБХ-ны цэнгэлдэх хүрээлэнд хүрэлцэн ирж үнэ төлбөргүйгээр сонирхох боломжтойг дуулгахад таатай байна.