“Викиликс” сайтыг үндэслэгч Жулиан Ассанжийг хүлээлгэн өгөхгүй бол Британийн засаг захиргаа   Эквадороос Лондонд суугаа элчин сайдын яам руу дайран орж авахад хүрч магадгүй  гэж Эквадорын  Гадаад хэргийн сайд Рикардо Патиньо мэдэгдсэн байна. Лхагва гарагт Китод хийлгэсэн хэвлэлийн хурал дээрээ сайд Их британийн Засгийн газраас ирүүлсэн илгээлтэд ийм аюул агуулагдаж байна гэжээ. Гадаад хэргийн сайд үүнийг “Хүчирхийлэл агуулсан, нөхөрсөг биш баримт бичиг” гээд олон улсын хэм хэмжээг зөрчсөн үйлдэл гэж нэрлэжээ. Сайд бас Эквадорын Засгийн газар Жулиан Ассажид улс төрийн орогнол олгох эсэх асуудлаар өнөөдөр шийдвэр гаргана гэсэн байна. “Викиликс” сайтыг үндэслэгч АНУ болон олон улсын нууц баримт бичгийг дэлгэсний учир баривчлагдаад батлан даалтад гарсныхаа дараа Лондон дахь ЭСЯ-нд орогноод сар хагас болж байгаа юм. Өөрийг нь улс төрийн шалтгаанаар мөрдөн мөшгиж байгаа учраас улс төрийн орогнол олгооч ээ хэмээн Эквадорын диломат байгууллагад хүсэлт гаргасан юм.

Ц.Хас