Нью-Йоркоос Москва руу нисч явсан Оросын “Аэрофлот” компанийн онгоцонд тэсрэх бөмбөг байгаа гэсэн мэдээлэл ирж, ослын буулт хийжээ. “Интерфакс” агентлагийн мэдээлж буйгаар нэр нь үл мэдэгдэх этгээд “Онгоцонд тэсрэх бөмбөг бүхий таван цүнх ачуулсан, Москва хүрэх үед дэлбэрнэ” хэмээн утсаар ярьсны дараа онгоцыг Исландад газардуулжээ. 200 зорчигчтой явсан нислэгийн үеэр ямар нэгэн аюул осол учраагүй ч одоо онгоцыг нэг бүрчлэн шалгаж байна.  Оросын өмнөд хэсгийн Воронеж мужид бас нэг онгоц үүнтэй төстэй дуудлага саяхан хүлээн авсан ч тэсрэх бөмбөг олдоогүй юм.