Японы сэтгүүлч эмэгтэй албан үүргээ гүйцэтгэж яваад Сирийн Алеппо хотод амь үрэгджээ. Өмнө нь энэ талаар Лондонд төвтэй Сирийн хүний эрхийн байгууллага мэдээлсэн юм. Үүнээс гадна Алеппо хотноо Арабын орны хоёр сэтгүүлч, Туркийн нэг оператор сураггүй алга болоод байгаа юм.
Японы сэтгүүлч Мики Ямамото Алеппо хотын Слейман-эль-Халиби дүүрэгт явж байгаад цэргийнхэн, босогчдын хооронд болсон буудалцааны үеэр амь алджээ. Сэтгүүлчийн шарилыг Туркт хүргэж хамтран ажиллагсад  болон ЭСЯ-ны ажилтнууд таньсан байна.  Японы “Japan Press” хэвлэлийн чөлөөт сэтгүүлч Ямамото  өмнө нь Афганистан, Ирак, Угандад ажиллаж байжээ.