“Apple” компанийн зах зээлийн үнэлгээ 623 тэрбум ам.доллар давснаар АНУ-ын түүхэн дэх хамгийн үнэ цэнэтэй компани боллоо.  Удахгүй iPhone 5 болон хямд үнэтэй iPad худалдаанд гарна гэсэн сургаар “Apple”-ийн хувьцаа өсч, шинэ рекорд тогтоогоод байгаа юм. Тус компанийн нэгж хувьцаа 14,98 ам.доллар хүрсэн нь нийт үнэлгээг бараг 664 тэрбумд хүргээд байгаа аж.  Хөрөнгийн зах зээлийн түүхэнд компанийн үнэлгээгээрээ хамгийн дээд амжилт тогтоож байсан “Microsoft” гэхэд 1999 онд 620 тэрбум ам.долларт хүрч байсан юм. Энэ нь одоогийн ханшаар бол 850 тэрбум ам.доллартай тэнцэх юм.
Гэхдээ Apple-ийн хувьд зах зээлийн үнэлгээ нь цаашид ч өссөөр байх төлөвтэй байна. Шинжээчдийн тооцож буйгаар 745 тэрбум ам.доллар хүрэхээр байгаа гэнэ.