Улсын онцгой комисс хуралдаж дууслаа. Хурлын нэгдсэн шийдвэрүүдийн талаар дөнгөж сая мэдээлэл өгөв.
Тодруулбал, Улсын онцгой комиссын шийдвэрээр хот хоорондын хөдөлгөөнийг энэ сарын 16-ны 07.00 цаг хүртэл хориглолоо.
Мөн шинэ коронавирусийн халдвараас урьдчилан сэргийлэх зорилгоор гурваас дээш, 0-5 настай хүүхэдтэй эхчүүдэд 3 дугаар сарын 30-ныг хүртэл гэрээсээ цахимаар ажлаа хийх эсвэл цалинтай чөлөө олгох шийдвэр гаргалаа.
Авто замын боомтоор ОХУ-д зорчих Монгол Улсын иргэн, ОХУ-аас Монгол Улсад зорчих гадаадын иргэн, харьяалалгүй хүний хөдөлгөөнийг гуравдугаар сарын 29-ний өдрийг хүртэл түр зогсоолоо.
Улаанбаатар-Эрхүү-Улаанбаатар, Улаанбаатар-Москва-Улаанбаатар чиглэлд аялах галт тэрэг болон орон нутгийн бүх чиглэлийн галт тэрэгний хөдөлгөөнийг гуравдугаар сарын 28-ны өдрийг хүртэл түр зогсоолоо.
Турк, Казахстан улсын хоорондын хоёр талын хуваарьт нислэгийг гуравдугаар сарын 13-ны 06:30-аас 2020 оны гуравдугаар сарын 28-ны өдрийг дуустал зогсоов.
Мөн Улаанбаатар-Эрхүү-Улаанбаатар, Улаанбаатар-Москва-Улаанбаатар чиглэлийн галт тэрэгний хөдөлгөөнийг гуравдугаар сарын 28-ны өдрийг хүртэл түр зогсоолоо.
