Монгол Улсын Засгийн газрын ээлжит хуралдааны үеэр Боловсрол, соёл, шинжлэх ухаан, спортын сайд Ё.Баатарбилэг сургууль, цэцэрлэгийн хориог сунгах эсэх асуудлаар Эрүүл мэндийн яаманд хандсан тухайгаа мэдэгдсэн.
Covid-19 өвчний тархалтын нөхцөл байдал, Эрүүл мэндийн яамны саналыг үндэслэн Их, дээд болон ерөнхий боловсролын сургууль, цэцэрлэгийн хориог сунгах эсэх саналаа Улсын онцгой комиссын хуралдаанд оруулна гэсэн юм.
Харин ЭМЯ-ны зүгээс 4 дүгээр cарын 30 хүртэл сургууль, цэцэрлэгийн карантиныг сунгах нь зүйтэй гэж үзэж байгаагаа цахим хуудсаараа дамжуулан мэдэгдсэн. Учир нь, гадаад улс орнууд хорио цээрээ чангалж, манайд улсад коронавирус зөөвөрлөгдөн орж ирсэн үед хорио цээрийн дэглэмийг үргэлжлүүлж халдвар тархахаас урьдчилан сэргийлнэ гэж үзсэн байсан юм.
Тэгвэл өнөөдөр Улсын онцгой комиссын хурал 14:00 цагт болох бөгөөд дээрх асуудлын эцэслэн шийдвэрлэнэ.
