Өндөржүүлсэн бэлэн байдал зарлаж, агаарын болон хуурай замын хилээ хааснаас хойш таван удаагийн захиалгат нислэгээр нийт 1024 хүнийг эх орондоо авчирч 14 хоногийн тусгаарлалтад авсан. Тэдний тусгаарлалтын хоногийг дахин 7 хоногоор сунгахаар болжээ. Нэмж гарах төлбөрийг Засгийн газрын нөөцөөс гаргах юм байна.

Мөн 4-р сарын 2-нд Сөүл, 4-р сарын 3-нд Япон Улс руу чартер нисгэж, ирэх иргэдийг нэг, нэгээр нь 21 хоногийн хугацаанд тусгаарлах нь. Учир нь олон улсын судалгааны дүнгээр нууц үе 5,5-19 хоног байгааг үндэслэн ийн хоногийг нь сунгажээ.

Чартерт ХӨСҮТ-ийн баг түргэвчилсэн оношлууртай явах бөгөөд 2 цаг тутамд халууныг нь үзэх аж. Ирэх зорчигчид, бүх хүн маск, бээлийтэй тогтмол байна.