
Олон нийт цугладаг фитнес, спорт заал, сургалтын төв, саун, амралт, баар, цэнгээний газар, сүм хийд, соёл урлагийн газрын үйл ажиллагаанд тавьсан хөл хориогоо дөрөвдүгээр сарын 30 хүртэл сунгаад байсан билээ. Учир нь цаг агаар дулаарч байгаа тул коронавирусийн халдвар тархах магадлал өндөр байна гэж үзээд ийнхүү хөл хориог сунгасан хэмээн Улаанбаатар хотын захирагч С.Амарсайхан өнгөрсөн сарын сүүлээр мэдэгдсэн билээ. Тэгвэл Ерөнхий сайдаас өгсөн чиглэлийн дагуу Туул гол, Богд ууланд бөөгнөрөл үүсэхээс сэргийлж амралтын газруудыг өнөөдрөөс нээхээр болжээ.
Мөн саун, фитнессүүдийг ч ариутгал халдваргүйжүүлэлт сайн хийж, журам гаргаад шат дараатай нээнэ хэмээн Засгийн газрын хэвлэлийн албаны дарга мэдээллээ.
























