АНУ-ын Ерөнхийлөгч Барак Обамаг захидлаар заналхийлсэн этгээдэд 25 жилийн хорих ял авах  аюул нүүрлэж байна. 31 настай Антон Калуори гэгч Холбооны мөрдөх товчооны хаягаар орж “Би Ерөнхийлөгчийг ална. Хүрч ирээд намайг барь л даа. Та нарт долоо хоногийн хугацаа өгье” гэж бичжээ. Түүнийг Сиэтл хотын орчмоос баривчлахад эсэргүүцэл үзүүлсэн төдийгүй гэрт нь нэгжлэг хийхэд таван ч буу байсны хоёр нь автомат байжээ. Өнөөдөр түүнийг шүүх анхны хуралдаан болсон ч ирэх даваа гарагт хүртэл хойшилжээ.