УБТЗ-ын дарга Д.Жигжиднямаа, Тээвэрлэлт,хөдөлгөөн хариуцсан замын орлогч дарга Г.Ганболд нар өнөөдөр Сүхбаатар зангилааны ажилтай танилцаж өртөө, МРЦ, товарын контор, дамжуулах контор, Сүхбаатар эргэх депо, техник үйлчилгээний газар, замын хэсэг,” Бүжинхэн” цэцэрлэгийн үйл ажиллагааг үзэж шалгав.

Мөн Сүхбаатар өртөөнд мод, модон материал ачсан вагонд үзлэг хийлээ. Замын дарга тус зангилааны зарим шилдэг тэргүүний хамт олон, ажилтнуудыг шагнаж урамшуулав. Идэвх зүтгэл, үр бүтээлтэй ажиллаж, ажил үйлсээрээ хамт олноо манлайлсан Сүхбаатар өртөөний жижүүр Төмөрбаатарын Оюун-эрдэнийг “Төмөр замчны алдар” цол тэмдэг, 500,000 төгрөгөөр, Сүхбаатар ТҮГ-ын вагон үзэгч Сүхдаваагийн Алтансүхийг “Онц хөдөлгөөнчин” цол тэмдэг, 200,000 төгрөгөөр, “Бүжинхэн” цэцэрлэгийн хамт олныг 500,000 төгрөгөөр тус тус шагнаж урамшууллаа.

Тус зангилаанд ажиллах үеэрээ мөн Сэлэнгэ аймгийн засаг дарга Ш.Оргилтой уулзаж 25-р километрийн гармын асуудал болон Сэлэнгэ аймаг, УБТЗ-ын хамтын ажиллагааны талаар санал солилцож, холбогдох шийдвэрүүдийг гаргалаа.