Унгарт суралцаж байх үедээ армяны офицерийн амийг хөнөөсөн азербайжаны цэргийн албан хаагчийг эх оронд нь эргүүлэн өгсний дараа өршөөл үзүүлсэн  азербайжаны талд  Унгарын Засгийн газар албан ёсоор эсэргүүцэл илэрхийллээ. Унгарын Гадаад хэргийн яамны дэд сайд тус улсад суугаа Азербайжаны элчин сайдад “Рамил Сафаровт өршөөл үзүүлсэн нь шударга бус хэрэг гэж үзэж байна” гэж мэдэгдсэн байна.
Унгарын шүүх армян залуугийн амийг хөнөөсөн азербайжан офицерт бүх насаар нь хорих ял оноож энэ ялыг хэвээр эдлүүлнэ гэсэн баталгаа авсны дараа Азербайжаны талд шилжүүлэн өгсөн юм. Гэтэл Азербайжаны ерөнхийлөгч Ильхим Алиев түүнийг эх орондоо ирмэгц нь өршөөл үзүүлсэн юм.
Энэ хэргээс болоод Армяны тал Унгараас элчин сайдаа татахад хүрээд байгаа юм.