Японы Засгийн газар маргаан дагуулсан Сенкаку арлын хэсгийг эзэмшигчээс нь хоёр тэрбум 50 сая иен буюу 26 сая ам.доллараар худалдан авахаар тохирч чадсан байна. Уоцури, Китако, Минамико гэдэг гурван арлыг Хятад өөрийн газар нутаг хэмээж Дяоюдай гэж нэрлэдэг юм. Японы Ерөнхий сайд Ёшихико Нода өнөөгийн санхүүгий нөхцөл байдлаас болоод дээрх мөнгийг нөөцийн сангаасаа гаргахаар шийдвэрлэж байгаа юм байна. Өнөөдөр Засгийн газрын төлөөлөгчид Японы нийслэл Токио багтдаг Токио аймгийн амбан захирагч Синтаро Исихаройтой уулзах юм байна. Энэ аймаг анх энэ арлыг авна гэж байсан юм. Харин Засгийн газар Токио аймгаас арай илүү буюу 50 сая иен илүү үнэ хэлснээр арлыг эзэмшигч санаагаа өөрчилж Засгийн газарт худалдсан байна.