Францын зүүн өмнөд нутгийн Анси нуурын ойролцоогоос Британийн дугаартай машинаас дөрвөн хүний цогцос, хүнд шархадсан хүүхэд олдсон байна. Тойргийн прокурорын мэдээлснээр ойн дэргэдэх зогсоол дээрх ВМW маркийн машинд гурван хүний цогцос, машины дэргэд нэг дугуйчны шарил байжээ. Мөн хүнд шархадсан охин байсныг нисдэг тэргээр эмнэлэгт хүргэсэн байна. Тэд бүгд нэг гэр бүлийнхэн байсан бөгөөд ойролцоохь Францын нэгэн аралд амрахаар ирээд байжээ. Дюссард хэмээх тэр аралд британичууд олноороо очиж амардаг байна.
Энэ харамсалтай хэргийг өчигдөр үдээс хойш санамсаргүй олж мэдэн орчныг хамгаалалтад авч, мэдэж болох гэрчүүдийг асууж байгаа юм байна. Хууль сахиулагчид одоохондоо энэ талаар ямар нэг таамаг, хувилбар дэвшүүлээгүй байна.