Үндэсний Урлагийн их театрын бүжигчин Б.Эрдэнэбаяр БНСУ-д зохион байгуулагдсан олон улсын өндөр зэрэглэлийн тэмцээнүүдэд оролцож Монголын үндэсний урлаг тэр дундаа бүжгийн урлагийн хөгжлийг гайхан бишрүүлж эх орныхоо нэрийг өндөрт гаргажээ. Тодруулбал,  2021 оны 5 сарын 10-наас 6 сарын 13-ны хооронд Сөүл хотод зохион байгуулагдсан БНСУ-ын урлаг, соёл, боловсролын сайдын нэрэмжит олон улсын бүжгийн тэмцээний Этник төрөлд Тэргүүн байр, Цомын эзэн, 2021 оны 6 сарын 12, 13-нд БНСУ-ын Бусан хотоос зохион байгуулсан 2021 BIDF The 3rd Korea Dance Grand Prix олон улсын бүжгийн тэмцээний Этник төрөлд 2(silver)-р байр,  2021 оны 6 сарын 10-13-ны хооронд БНСУ-ын Бусан хотоос зохион байгуулсан 17 дугаар Бусан олон улсын бүжгийн фестивалийн хүрээнд BIDF видео бичлэгийн уралдааны Тэргүүн байрт шалгарчээ.