Хүнсний ногооны хураалт 50 орчим хувьтай, улаанбуудайнх 15 хувьтай байгааг ХХААХҮЯ мэдээллээ. Энэ нь өнгөрсөн оны мөн үетэй харьцуулахад ойролцоо үзүүлэлт болж байна.

Энэ онд улсын хэмжээнд 420.2 мянган га-д үр тариа, 389.4 мянган га-д улаанбуудай, 19.8 мянган га-д төмс, 9.9 мянган га-д хүнсний ногоо, 100.4 мянган га-д тосны ургамал, 100 мянган га-д тэжээлийн ургамал, 4.7 мянган га-д жимс, жимсгэнэ тариалжээ.

Урьдчилсан балансаар 559.2 мянган тонн улаанбуудай, 198.8 мянган тонн төмс, 117.0 мянган тонн хүнсний ногоо, 64.3 мянган тонн тосны ургамал, 203.3 мянган тонн малын тэжээлийн ургамал тус тус хураан авах төлөв гараад байгаа юм.

Энэ жил ургац хураалтын ажил 10 гаруй хоногоор хойшилж, 11 дүгээр сарын нэгэн гэхэд дуусах төлөвтэй байгааг мэдээлж байна.

Ургац хураалтад 10 мянга гаруй оюутан, цэрэг, хууль хүчнийхэн, халамжийн болон гэрээт ажилтнууд оролцож байгаа юм байна.