Наймдугаар сард “Оюутолгой” төслийн гүний уурхайн бүтээн байгуулалтын зардал хэтэрсэн нь менежментийн алдаанаас үүдэлтэй гэсэн хөндлөнгийн шинжээчдийн дүгнэлт гарсан юм.
“Rio Tinto” компани Засгийн газарт хариу тайлбар ирүүлснийг Хууль зүй, Дотоод хэргийн сайд Х.Нямбаатар мэдээллээ. Мөн тайлбартай холбоотойгоор Засгийн газрын ажлын хэсэг хуралдах юм байна.
Үүнээс гадна “Оюутолгой” төслийн нөөцийн тодотгосон тайланг Уул уурхай, Хүнд үйлдвэрийн яамны Эрдэс баялгийн зөвлөл баталсан байна. Засгийн газрын ажлын хэсэг энэ долоо хоногт хуралдаж, “Оюутолгой” төслийн эрчим хүчний хангамжийн асуудлыг хэлэлцэж, шийдвэрлэнэ.
“Оюутолгой” төслийн эрчим хүчний асуудлыг урт хугацаанд шийдэж, дотоодоосоо хангах зорилгоор Тавантолгойн цахилгаан станцыг барихаар төлөвлөж байгаа юм. Барилгын ажил долоодугаар сарын нэгнээс эхлэх ёстой байсан ч эхлээгүй байна.
Монгол Улсын Засгийн газрын зүгээс зардлын хэтрэлттэй холбоотой аудит оруулахаар төлөвлөж байгаа аж. Мөн “Оюу Толгой” компанийн Төлөөлөн Удирдах Зөвлөл хуралдаж байна.
Эх сурвалж:http://bloombergtv.mn/
