"World Economics" байгууллагаас Монгол Улсын борлуулалтын менежерүүдийн индексийг есдүгээр сарын байдлаар танилцууллаа.

Наймдугаар сард сэргэлтийн дараа өсөлт үргэлжилнэ гэсэн хүлээлттэй байсан юм. Харин өнгөрсөн сард эргэн 50 нэгж давсан түвшнээс буурч, 45 нэгжид дөхсөн байна. Эдийн засгийн өсөлтийг харуулдаг бусад бараг бүх индекс есдүгээр сард буурчээ.

Хэдий тийм боловч цар тахлын хямралын оргил үе болох гуравдугаар сарын гүн уналтаас удаанаар боловч сэргэх хөдөлгөөн ажиглагдаж байна. Бизнес болон компаниудын үйл ажиллагаа цар тахлын өмнөх үеийнх шиг тогтворжоогүй байгаа юм.

Ерөнхийдөө Монгол Улсын эдийн засгийн хүндрэлээс гарах үйл явц үргэлжилсээр байна гэж "World Economics" байгууллага дүгнэсэн байна.

Б.Энхжин

Эх сурвалж: http://bloombergtv.mn