Ливан улсын Бейрут хотноо жүдо бөхийн өсвөр үе, залуучуудын Азийн аварга шалгаруулах тэмцээн боллоо. Энэхүү тэмцээний өсвөр үеийн ангилалд манай тамирчид 1 алт 2 хүрэл медаль хүртсэн бол залуучуудын ангилалд 3 хүрэл медаль хүртлээ. Эрэгтэйчүүдийн -90 кг-д Хил хамгаалах ерөнхий газрын "Хилчин" спорт хороо, Хилийн 0208-р тусгай салбарын тамирчин Ц.Ган-Эрдэнэ, -100 кг-д Боржин төв дэвжээний тамирчин Хүдэрчулуун хүрэл медаль хүртсэн байна.