Харьковын тавдугаар эмнэлэгт хэвтэж байгаа Украины Ерөнхий сайд асан Юлия Тимошенко өрөөнд радиацын түвшин өндөр байна гэж гомдолложээ. Эмнэлгийн ерөнхий эмч үүнийг нь “Улс төрийн ээлжит жүжиг тавих гэсэн оролдлого” гэсэн байна. Саявтар хорих газрын удирдах газар экс-Ерөнхий сайдын өрөөнд ээлжит үзлэг хийж түүний хувийн эд зүйлсийг шалгахад  хуулиар хориглосон эд зүйлс байжээ. Тэрээр Украины эрүүгийн хууль гэдэг ном дотор  радиац хэмжих багаж нуусан байсан нь илэрсэн  юм.
Юлия Тимошенког    албан тушаалын бүрэн эрхээ хэтрүүлэн ашиглаж Оростой байгалийн хийн хэлэлцээрийг ашиггүй байгуулсан гэсэн хэргээр өнгөрсөн намар долоон жилийн хорих ялаар шийтгэсэн юм.