Монголын Үндэсний Спортын хорооны Ерөнхийлөгч Ц.Магалжав болон гишүүн холбоодын төлөөллийг Монгол Улсын Ерөнхийлөгчийн тамгын газрын дарга Я.Содбаатар, Ерөнхийлөгчийн зөвлөх Т.Мөнхсайхан нар хүлээн авч уулзлаа. Энэ үеэр Монгол Улсын Ерөнхийлөгч У.Хүрэлсүхийн Монгол Улсын Үндсэн хуулиар олгогдсон үндэсний эв нэгдлийг хангах, гадаад улсад төлөөлөх чиг үүргийн дагуу Монгол Улс Монголоороо байх, Монголоороо гоёх, Монголоороо бахархах, Монголоороо оршин тогтнох томоохон зорилтыг үндэслэн Монголын Үндэсний Спортын хорооноос зохион байгуулах Монголын Үндэсний Спортын Анхдугаар Их чуулганыг Ерөнхийлөгчийн ивээл дор зохион байгуулах хүсэлтээ өгсөн байна.
Монголын Үндэсний спортын хороог дэмжин хамтран ажиллахаа илэрхийлээд монголчуудыг дэлхийд таниулахад үндэсний спорт чухал үүрэгтэй хэмээн цохон тэмдэглэжээ.
