Канад улс Ливи, Судан, Египет улсуудад байгаа өөрийнхөө ЭСЯ-дыг тодорхой хугацаагаар хааснаа мэдэгдлээ. Тус улсын засгийн газрын төлөөлөгчийн хэлснээр бол тухайн улс орнуудад байдал хэвийн байвал ЭСЯ-ууд маргаашаас хэвийн ажиллаж эхлэх юм байна.
Зөнч мухаммедыг гутаасан кино гарснаас болж энэ сарын 15-нд Египетэд өргөн олныг хамарсан жагсаал болж улмаар эмх замбараагүй байдал үүсэн энэ нь лалын шашинт бусад орнуудад ч үргэлжилсэн юм. Ийм жагсаал Судан, Йемен, Тунис, Пакистан, Бангладеш зэрэг улсад болж Ливийн Бенгази хотод лалын шашинтнууд АНУ-ын ЭСЯ-нд халдаж америкийн элчин сайд, өөр гурван ч дипломат ажилтан амь үрэгдсэн юм.

Х.Өлзий