Хилийн чанадад суралцдаг оюутан залууст мөнгөн гуйвуулга, гүйлгээтэй холбоотой бүтээгдэхүүн, үйлчилгээ үргэлж хэрэгцээтэй байдаг.  Харин одооноос БНСУ-д суралцдаг оюутнууд Hana Bank-ны https://hana.pay-zoom.com вэбсайтад Голомт банкны ЮнионПэй картаар сургалтын төлбөрөө төлөх боломжтой болсныг дуулгахад таатай байна. Энэхүү вэбсайтад одоогийн байдлаар БНСУ-ын нийт 140 орчим их, дээд сургууль нэгдээд буй юм.

Яг одоо шинэ хичээлийн улирал эхэлж буй энэ үед тус улсад суралцдаг оюутан залуустаа зориулан ЮнионПэй картын урамшууллыг эхлүүллээ. Оюутнууд та бүхэн 2022.02.28-ныг дуустал PayZoom вэбсайтаар, ЮнионПэй карт ашиглан төлбөрөө төлж сургалтын төлбөрийн 3%-ийн хөнгөлөлт эдлээрэй. Гэхдээ нэг удаа олгох хөнгөлөлтийн дээд дүн 800 юань буюу 151,000 орчим вон байх ба нэг картаар сард хамгийн ихдээ 3 удаа төлбөр төлж, хөнгөлөлт авах боломжтой.

Харин төлбөр төлөхдөө Hana Bank virtual account number гэсэн дансны дугаарыг оруулах шаардлагатай бөгөөд төлбөрийн нэхэмжлэх дээр бичигдсэн эсэхийг заавал шалгаарай. Энэхүү дугаарыг тухайн их, дээд сургуулиас оюутнууддаа олгодог учир бичигдээгүй тохиолдолд сургуулийн захиргаандаа хандаж лавлана уу.

Жич: Энэхүү хөнгөлөлттэй урамшуулал нь БНСУ-аас гаргасан ЮнионПэй картад хамаарахгүй.

Хэрэв та Голомт банкны SocialPay аппликэйшний хэрэглэгч бол тус аппликэйшний виртуал ЮнионПэй картаар энэхүү хөнгөлөлтөд хамрагдах боломжтой.

Харин Голомт банкнаас гаргадаг бусад ЮнионПэй картын мэдээллийг ЭНД дарж авна уу.