"The Hu" хамтлаг "Welcome To Rockville-2022" фестивальд оролцохоор бэлтгэлээ хангаж байна. Тэд саяхан Европын орнуудаар  "Хар аянга" нэртэй аялан тоглолтоо   хийсэн төдийгүй АНУ-д болсон "Coachella-2022" хөгжмийн наадамд Монголоос анх удаа оролцсон. Дэлхийд нэр хүндтэй “Coachella Valley Music”, “Coachella Festival” жил бүрийн дөрөвдүгээр сард зохион байгуулдаг уламжлалтай. Уг наадамд дэлхийн олон алдартай дуучид, хөгжимчид хүрэлцэн ирдэг төдийгүй жилээс жилд үзэгчдийн тоо нэмэгдэж байгаа юм. "The Hu" хамтлаг  Нийтдээ 13 оронд 23 тоглолтоо хийсэн бол Хойд Америкийн нутгаар 90 хоногийн турш аялан, 56 хотоор 60 гаруй тоглолтыг хийсэн билээ.