Үндэсний их баяр наадмын Ерөнхий найруулагч УДЭТ-ын найруулагч Н.Наранбаатар шалгарчээ. Тодруулбал, өнөөдөр салбар хороод хуралдаж, найруулагчийг сонгон шалгаруулсан байна. Соёлын яамнаас нийт 19 хүний нэрийг танилцуулсанаас салбар хороодын гишүүд Н.Наранбаатарыг сонгосон байна.

Энэ жил Ардын хувьсгалын 100, 101 жилийн ойг хамтатган өргөн дэлгэр тэмдэглэнэ. Учир нь өнгөрсөн жил буюу Ардын хувьсгалын 100 жилийн ойг ковидоос улбаалж, тэмдэглэхгүй байхаар шийдвэрлэсэн байдаг.

Сануулахад,

-2016, 2017, 2018 оны баяр наадмыг Н.Наранбаатар,

-2019 оны наадмыг Г.Цоггэрэл,

-2020, 2021 оны наадмыг Б.Баатар найруулсан байдаг. Ингэснээр УДЭТ-ын найруулагч Н.Наранбаатар наадмыг 4 дэх удаагаа найруулахаар болж байна.