Монгол Улсын банк, санхүүгийн салбарт тэргүүлэгч, Сайн сайхныг санхүүжүүлэгч Голомт банк нийт хувьцааныхаа 10.09 хувь буюу 80,402,743 ширхэг хувьцааг, нэгж хувьцааны үнийг 1285 төгрөгөөр олон нийтэд санал болгож буй.
Анхдагч зах зээлийн арилжааг 2022 оны 11 дүгээр сарын 23-ны өдөр Монголын хөрөнгийн бирж дээр эхлүүлэх бөгөөд хувьцааны захиалга 2022 оны 11 дүгээр сарын 30-ны өдрийн 17:00 цаг хүртэл үргэлжилнэ.
Голомт банкны хувьцааг олон нийтэд арилжаалах үйл ажиллагаанд үндсэн андеррайтераар “Инвескор Капитал” ҮЦК ХХК, туслах андеррайтераар “Голомт Капитал” ҮЦК ХХК, хөрөнгийн үнэлгээний байгууллагаар KPMG /Кэй Пи Эм Жи аудит/ ХХК, аудитын компаниар PWC /ПрайсУотерхаусКуперс аудит/ ХХК болон хууль зүйн зөвлөхөөр “Өмгөөллийн Санхүүгийн Хуулийн Зөвлөх” ХХК зэрэг олон улсын болон дотоодын нэр хүндтэй, шилдэг байгууллагууд хамтран ажиллаж байна.
Хөрөнгө оруулагч та хувьцааны талаарх дэлгэрэнгүй мэдээллийг www.ipo.golomtbank.com вэбсайт болон банкны салбар нэгжүүдэд хандан аваарай. Мөн өөрийн үйлчлүүлдэг аль ч үнэт цаасны компаниар дамжуулан хувьцаагаа захиалж болох бөгөөд Голомт банкны харилцагчид www.egolomt.mn вэбсайт, SocialPay аппликэйшн ашиглан захиалгаа өгөх боломжтой юм.
Данс нээх, мөнгө байршуулах, захиалга өгөх боломжууд:
- https://trader.golomtcapital.com/mn/public/golomtbankipo
- www.trader.golomtcapital.com
- www.egolomt.mn
- Golomt Capital апп
- Social Pay апп
- Голомт Капитал компанийн байранд ирэх
Та урьдчилсан захиалгаа өгсний дараа захиалгын явцаа шалгах, шинэчлэх, өөрчлөх бол trader.golomtcapital.com сайтын нэвтрэх хэсэг, golomt Capital аппликэйшн, socialpay аппликэйшн, egolomt.mn сайтын хувьцаа арилжаа цэс болон Голомт капитал ҮЦК ХХК 7012-1530 дугаарт холбогдоорой.
