Билгийн

Доллар (USD)

Улаанбаатар

Олон асуудал нотлох баримттайгаар ил болно

 Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явц, байдлыг шалгах УИХ-ын Хянан шалгах түр хорооноос зохион байгуулах нотлох баримтыг шинжлэн судлах сонсгол өнөөдөр эхэлнэ.

Энэхүү сонсголоор Хөгжлийн банкнаас санхүүжүүлсэн “шууд зээл”-ийн олголт, эргэн төлөлтийн байдал, зээл олгосон албан тушаалтан, зээлдэгчид болон хамаарал бүхий этгээд, гэрчийн мэдүүлэг, зээлийн ашиглалт, зарцуулалтын төлөв байдалд гаргасан хянан шалгагч, шинжээч нарын дүгнэлт, мэдээллийг сонсож нээлттэй хэлэлцэж, үнэлэлт дүгнэлтийг олон нийтэд нээлттэй мэдээлэх юм. Тодруулбал,  Монгол Улсын Хөгжлийн банкнаас шууд санхүүжүүлсэн нийт 3.5 их наяд төгрөгийн 77 зээлдэгч, хуулийн этгээдийн төсөлтэй холбоотой нотлох баримтыг шинжлэн судална. Дээрх шууд санхүүжүүлсэн зээлийн багцаас 22 зээлдэгчийн зээлийн зарцуулалт хэвийн байгаа бол үлдсэн 55 зээлдэгчийн зээлийн зарцуулалтын талаар хэлэлцэх юм байна. Иймд ажлын 5 өдөр хуваарийн дагуу нотлох баримтыг шинжлэн судлах сонсголыг Төрийн ордонд зохион байгуулах юм байна.

Энэ сонсголын талаар өнгөрсөн  долоо хоногт ажлын Хянан шалгах түр хорооны дарга Б.Энхбаяр " Олон асуудал нотлох баримттайгаар ил болно. Иргэд "пүү паа" гэх нь ойлгомжтой. Бид хулгайг ил болгох, үүнтэй эвлэрэхгүй байх. Үүн дээр манлайлж ажиллах хамтын үүрэг хүлээсэн гэж ойлгож байгаа" хэмээсэн юм. 

Харин өнөөдөр Б.Энхбаяр гишүүн нийгмийн сүлжээндээ "Энэ удаагийн сонсгол 1 дүгээр сарын 16-20, 2 дугаар сарын 6-10, 3 дугаар сарын 13-17-ны өдрүүдэд зохион байгуулагдаж УИХ-д 4 дүгээр сард тайлангаа тавина. Уг сонсголыг УИХ-ын Хяналт шалгалтын тухай хуульд заасны дагуу зохион байгуулна. Сонсголыг хий хоосон улс төржилт, дэг журамгүй “циркийн тайз”, “алиалагчид”-ын цуглуулга болгохгүй байхад анхаарч, зөвхөн хяналт шалгалтын үр дүнгээр илэрсэн, цугларсан нотлох баримтыг үнэлж, холбогдох гэрчийг асууна" гэжээ. 

Хөгжлийн банкийг шалгах УИХ-ын Түр хорооноос зохион байгуулах нотлох баримтыг шинжлэн судлах анхны сонсгол өнөөдөр 09 цагаас эхэлж МҮОНТ-ийн мэдээний сувгаар шууд дамжуулагдах юм. 

1 Сэтгэгдэл
БҮГДЭЭРЭЭ САЙН УУ!!!!! Бид олон нийтэд мэдээлэхийг хүсч байна; Та бөөрийг худалдахыг хүсч байна уу? Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу хийхээ мэдэхгүй байна уу? Дараа нь бидэнтэй холбоо бариад DR.PRADHAN.UROLOGIST.LT.COL@GMAIL.COM хаягаар бид танд бөөрнийх нь хэмжээгээр санал болгох болно. Яагаад гэвэл манай эмнэлэгт бөөрний дутагдалд орж, +91424323800802. имэйл: DR.PRADHAN.UROLOGIST.LT.COL@GMAIL.COM Yнэ: $780, 000 (Долоон зуун, Наян мянган доллар)
Хамгийн их уншсан