Испаний нийслэл Мадридад жагссан олон хүн  цагдаагийнхантай мөргөлдсөнөөс 65 хүн шархадсаны нэг нь хүнд байна. Цагдаагийнхан 27 хүнийг саатуулсан байна. “Конгрессыг зайлуулъя” уриатай жагсагчид конгрессын байранд нэвтрэхээр оролдож барилгын гадуурх төмөр хашааг эвдэлцгэсэн болохоор  цагдаагийнхан бороохой хэрэглэжээ. Хууль сахиулагчдаас ч бас 27 хүн шархдаж гэмтсэн гэж цагдаагийн байгууллага мэдээлж байна.
Аль өнгөрсөн оны хавраас эхэлсэн энэ жагсаал цуглаан Испанид засаг ээлжлэн барьж байгаа хоёр том намын үед ажилгүйдэл ихэсч, авлига, хүнд суртал газар авсныг  эсэргүүцэж байгаа юм.